Afi og Amma á elliheimilinu

Eldra fólkið óskar hlýju,

að einhver muni það.

Gleymd er amma og gamli afi

- geymd á vísum stað.

Lausnin kemur, leyst er biðin,

ljúft er að hverfa heim.

Þá kemur fólkið og krossar yfir

kistulok hjá þeim.

Kaffiboð og krökkt af blómum.

Já kátleg veisla gerð.

En kærleikurinn við kistulokið

er kannski seint á ferð.

  (Margrét Eyjólfsdóttir frá Flatey á Breiðafirði)

 

 

afslöppun

Jæja þá er karlinn farinn útá land framá sunnudag og stelpurnar eru hjá pabba sínum og ég bara ein í kotinu með bumbubúann Við tókum fram strauborðið og réðumst á bleyjurnar og rúmfötin.....betra að vera við öllu búin því þetta styttist óðum.

Já allt í einu er allt orðið fullt af smábarnafötum því elskuleg móðir mín var að koma frá u.s and a ( datt í hug Borat ) , en ég er að reyna að ná í hana núna til að fara með mér eitthvað í óhollustuna....eða Pizza Hut...alltaf á tali....

en svo er þa bara stærðfræðin um helgina og hafa það notalegt....ég er reyndar farin að hlakka til að fá kallinn aftur heim, en það eru ekki 2 tímar síðan hann fór..mér sem fannst alltaf best að vera ein, já það er af sem áður var.......

bið að heilsa ykkur

Nip Tuk

Cristian var að tala við aðstoðarkonu sína og segir eitthvað á þessa leið: Að geðveiki sé að gera sama hlutinn aftur og aftur og aftur og búast við annarri niðurstöðu.....minnir óneitanlega á sjúkdóminn alkóhólisma....

Merkilegt með mig

Já alveg er það merkilegt hvað ég get verið upptekin af því að gera ekki neitt nákvæmlega þegar ég þyrfti að vera að læra, eða þegar ég er komin á síðasta snúning með það...ég þarf að klára bók núna fyrir svefninn, þar sem ég tek próf úr henni á morgun....en nei ég finn mér allt mögulegt að gera annað sem mætti sko vel bíða og rúmlega það, eins og að vera að bloggi núna, ekki hefur það verið aðkallandi hingað til....en ég læt vita hvernig gekk í prófinu..

 eigið góðar stundir...

blogg!

Ég er að skoða bloggið hjá öðrum og sé að fólk á ekki í vandræðum með að skrifa hér, en ég bara stari á skjáinn og hugsa um að skrifa hitt eða þetta en kemst svo alltaf að því svona með sjálfri mér að það sé bara ekki við hæfi að vera að bulla um skólann, hestana, sundferðir,bíoferðir,óléttu,börnin,bílakaup,gleði,Guð,ferðalög,hugsanir og bara hvað sem er, nei það er eins og mér finnist ekkert við hæfi á þetta blogg nema þá kannski einhverjir brandarar, nema hvað ég bara man aldrei einn einasta brandara sem ég heyri...en allavega þá gengur vel í skólanum og lífið er bara yndislegt og enn hef ég ekki yfir neinu að kvarta frekar en fyrri daginn enda fer ég með bænir á morgnana og geng glöð út í daginn og þakka svo fyrir þennan gleðilega dag að kveldi.

Nú eru tæpar fimm vikur eftir af meðgöngunni ( samkvæmt settum degi sem er 30 mars ) og ég eitthvað farin að gera klárt fyrir væntanlegt barn, samt finnst mér þetta eitthvað svo óraunverulegt ennþá, hef lítið sem ekkert fundið fyrir meðgöngunni nema kannski passlega mikið af brjóstsviða, er með mjög netta kúlu, bara eins og ég sé komin fimm mánuði á leið frekar en 8, svo ég á ekki í vandræðum með að hoppa og skoppa útum allt...en er þetta ekki bara orðið fínt í bili...það held ég...bið að heilsa ykkur öllum....

kveðja Helga Nanna

Sæl aftur

  Jæja nú er ég komin með tölvuborð og byrjuð í skólanum, gat reyndar lítið mætt í síðustu viku, bara lá í flensu....hef bara aldrei verið svona lengi veik svo ég muni ( 14 dagar ) og bara alls ekki orðin góð....en ég er að reyna við þetta myndaalbúm og á ekkert nema 2-3 ára gamlar myndir í þessari tölvu, en þetta stendur allt til bóta, ég er ekki mikil tölvumanneskja og flækji þetta allt fyrir mér, kann bara ekki að færa drasl á milli, veit jú að ég get notað einhvern minniskubb.......en hvað um það ég hef ekki kíkt inná bloggið síðan ég gerði síðustu færslu, var búin að steingleyma þessu 

  En ég á að eiga í mars og finnst þetta allt hálf óraunverulegt ennþá, finn lítið fyrir þessu og er með netta kúlu eins og í hin tvö skiptin....en það verður fjör á bænum og allir glaðir

Hitt og þetta

  Nú er ég búin að fara útum allt að leita eftir tölvuborði og þau eru öll svo stór sem eitthvað er varið í, þannig að nýi skjárinn er bara undir rúmi og engin tölva tengd...ekki ætla ég að fara að troða tölvunni uppá eldhúsborð....en ég vona að ég reddi þessu í dag því ég er á nálum með að þessi fari að hrynja og allar myndirnar glatist....

  En ég fékk inngöngu í skólann eftir áramót...var hálf smeyk við að nú myndu þeir ekki hleypa mér inn þar sem ég sótti um í fyrra og árið þar á undan og fékk inngöngu en sneri mér að öðru miður skemmtilegu....en allavega þá hlakka ég til...

   Ég er búin að versla megnið af jólagjöfunum....og þá er bara maturinn og tréð eftir, en við vorum of sein í fyrra að kaupa tré...allt uppselt og líka gervitrén, en við vorum samt með tré á jólunum en ég ætla ekki að segja hvernig við redduðum því

  Nú ef svo ótrúlega vildi til að ég kæmi ekki með færslu fyrir jól þá bara segi ég við ykkur elskurnar mínar.....

                Gleðileg jól

 

Skóli

Ekki seinna vænna en setjast  aftur á skólabekk, vona ég fái inngöngu núna eftir áramót, en þar sem ég á að eiga 30 mars þá læt ég tvö fög nægja í bili...líka langt síðan ég var í skóla..

Tölvan er að gera mig gráhærða hérna...alltíeinu er ég komin útúr öllu...hún er að gefa sig held ég...þori ekki meira, verð að fá mér flatskjá svo ég geti sett heimilistölvuna í gang...þessi er búin að vera sein og með tóm vandræði...

bless í bili.

Herra Ísland

Ég glápti á byrjunina og svo varð ég að sjá úrslitin fyrst að það þurfti að vera einn flottur strákur í keppninni....en nei þá lendir hann í öðru sæti....eins og mér hefur verið virkilega sama um þessar keppnir hingað til þá bara var ég alls ekki ánægð með þetta...hrikalega var þetta flottur strákur...

en ég stjórna víst ekki öllu því miður og verð alltaf sáttari og sáttari við það með aldrinum og mér verður óneitanlega hugsað til þeirra ára sem ég var í því að reyna að breyta öllum í kringum mig og helst hvað þeir sögðu...því þá yrði líf mitt bærilegra bara ef þetta væri allt eftir mínu höfði...en að breyta sjálfri mér...NEI þess var ekki þörf....það voru bara hinir sem gerðu og sögðu allt vitlaust og voru þar af leiðandi að gera mér lífið leitt...úff hvað var erfitt að vera ég þá

Og það er ein daman í viðbót

Ég fór í sónar á þriðjudag, komin 20 vikur og fékk að vita að ég gengi með stelpu, þannig að sjöunda stelpan er á leiðinni...en ég á tvær fyrir og kallinn fjórar skvísur...mér finnst þetta bara frábært....

Mér líður mjög vel alla daga og hlakka bara til að takast á við þetta allt saman. Hef svosem ekkert meira að segja frekar en fyrri daginn....nema settur dagur er 30 mars ( Hrútur )

Sæl að sinni.